Fóram Pobail CCF

Is é aidhm an Fhóraim ná deis a thabhairt don phobal ionchur agus tionchar a bheith acu ar an phróiseas pleanála teanga, agus cuidiú a thabhairt don obair atá ar bun.

 

An Chéad Fhóram – 26ú Feabhra, 2019

Tugadh cuireadh d’ionadaí as gach eagraíocht, coiste, agus grúpa sa cheantar, mar aon leis an phobal i gcoiteann. Bhí scaifte mhór i láthair ar an oíche. Fuair an coiste na moltaí seo ón phobal:

1. Gnímh a chur i bhfeidhm chun cur leis na seirbhísí Gaeilge i siopaí, lóistín, tithe tábhairne srl., sa cheantar.
   • Cad a tharla ó shin?
     1. Scaipeadh comharthaíocht do gach comhlacht/eagraíocht sa cheantar a thugann fáilte roimh dhaoine an Ghaeilge a úsáid áit a bhfuil seirbhís i nGaeilge ar fáil
     2. D’eagraíodh comhdháil don lucht ghnó sa tSean-Bheairic ar 19ú Meán Fómhair 2019. Bhí saineolaithe i láthair ag tabhairt comhairle leis an Ghaeilge a úsáid le gnó a chur chun cinn.
     3. D’eagraíodh an comórtas “Fostaí Gaeilge na Bliana” i mí na Nollag 2019 le haitheantas a thabhairt d’fhostaithe i ngnólachtaí CCF a chuireann Gaeilge chun cinn san ionad oibre.
        ~
2. Go ndéanfar athbheochan ar an drámaíocht Gaeilge agus go mbunófar grúpa nua.
   • Cad a tharla ó shin?
     1. D’eagraigh CPTCCF sraith cruinnithe poiblí chun cuidiú leis an phobal athbheochan a dhéanamh ar an drámaíocht sa cheantar.
     2. Bhí an próiseas ag dul ar aghaidh ach tháinig moill ar achan rud mar gheall ar srianta COVID-19
        ~
3. Fóram Oideachais CCF a bhunú
   • Cad a tharla ó shin?
     1. Bunaíodh an Fóram Oideachais. Tháinig an Fóram le chéile 4 uaire idir Bealtaine 2019 agus Feabhra 2020 sular chuir srianta sláinte moill ar obair an fhóraim.
     2. Beidh an Fóram ag cruinniú arís sa bhliain acadúil 2021-22.
        ~
4. Tacaíochtaí teanga a chur ar fáil do thuismitheoirí ar mhaith leo a gclann a thógáil le Gaeilge
   • Cad a tharla ó shin?
     1. Tá leathanach á fhorbairt againn ar ár suíomh idirlín le treoir agus acmhainní praiticiúla do thuismitheoirí de chumais éagsúla Gaeilge.
     2. Beidh grúpa Tachráin & Tuistí le bunú san Fhómhair 2021 le Pobal le Chéile
        ~
5. Go mbeidh níos mó deiseanna ag daoine óga an Ghaeilge a úsáid taobh amuigh den sheomra ranga.
   • Cad a tharla ó shin?
     1. Tá dul chun cinn iontach á dhéanamh ag CLG Chloich Cheann Fhaola leis an teanga a chur chun cinn sa chlub is mó a bhfuil páirt ag daoine óga an cheantair ann.
     2. Bunaíodh Parlaimint na nÓg ach athbheochan ag teastáil air anois.
        ~
6. Go gcuirfear níos mó deiseanna ar fáil leis an Ghaeilge a úsáid go laethúil agus go sóisialta sa phobal.
   • Cad a tharla ó shin?
     1. Bunaíodh an scéim Gaelchara in 2019 agus tá Gaelchara 2 ar siúl go dtí Bealtaine 2022. Tá 14 rannpháirtí sa scéim faoi láthair agus iad ag casadh le chéile le feabhas a chur ar a gcuid Gaeilge agus an teanga a úsáid ar bhealach sóisialta.