I láthair na huaire, is é an Béarla príomhtheanga gnó na tíre seo. Anseo i gCloich Cheann Fhaola, tá sé i gceist againn áit a fháil don Ghaeilge i saol an ghnó, taobh leis an Bhéarla.
Comharthaíocht
Má tá tú ag iarraidh comharthaíocht nua a fháil do do ghnólacht, as Gaeilge nó dátheangach, tig leis an fhoireann Pleanála Teanga tacaíocht a thabhairt duit! Cuir iarratas isteach anseo:
>> Tá mé ag iarraidh comharthaíocht Gaeilge/dátheangach a fháil! <<
Cúrsa Praiticiúil sa Ghaeilge Labhartha don saol oibre
Cuireann an fhoireann cúrsaí Gaeilge ar fáil saor in aisce don lucht gnó atá dírithe ar bunscileanna labhartha atá furasta le cur i bhfeidhm sa saol oibre – le custaiméirí agus le comhoibrithe: Cláraigh d’fhoireann oibre anseo do chúrsa:
>> Tá ár ngnólacht ag iarraidh cúrsa a dhéanamh! <<
Seirbhísí Aistriúcháin
Má tá tú ag iarraidh téacs a chur ar fáil sa Ghaeilge nó sa dá theanga (m.sh. bileog eolais, comharthaí, nuachtlitir, biachlár, suíomh idirlín), tig linn an t-aistriúchán a dhéanamh duit saor in aisce (ag brath ar líon na bhfocal): Cuir isteach ar thacaíocht aistriúcháin anseo:
Acmhainní Gnó & Scéim Tacaíochta Gnó 2021
Cuireann Foras na Gaeilge acmhainní agus earraí gnó praiticiúil ar fáil do ghnólachtaí atá ag iarraidh an Ghaeilge (nó meascán de Ghaeilge agus de Bhéarla) a úsáid mar theanga gnó:
~ Scéim Tacaíochta Gnó 2021: Tacaíonn an scéim seo le fiontair thrádála bheaga agus mheánmhéide an Ghaeilge a chur chun cinn ina ngnólachtaí trí chomharthaíocht, pacáistíocht, suíomhanna gréasáin agus ábhar margaíochta clóite. Tá critéir agus sonraí uile ar shuíomh idirlín Foras na Gaeilge: Scéim Tacaíochta Gnó 2021.
Deontais/Tacaíochta Airgeadais do Ghnólachtaí (Údarás na Gaeltachta)
Tá deontais éagsúla á gcur ar fáil ag Údarás na Gaeltachta le tacaíocht a thabhairt do ghnólachtaí atá lonnaithe i nGaeltacht Chloich Cheann Fhaola. Tuilleadh eolais anseo!
