Cad atá i gceist leis an scéim Gaelchara?
Is í aidhm na scéime deis a thabhairt d’fhoghlaimeoirí na Gaeilge feabhas a chur ar a c(h)uid scileanna teanga trí Ghaeilge a úsáid is a chleachtadh i suíomh spraíúil agus sóisialta in éineacht le cainteoir dúchais. Bheadh súil go n-osclódh an cainteoir dúchais an doras isteach go saol na Gaeilge mar theanga pobail.
Caitheann an foghlaimeoir agus an cainteoir dúchais uair nó dhó sa tseachtain ag labhairt agus ag cleachtadh na teanga le chéile agus iad gníomhach i gcaitheamh aimsire dá rogha féin.
Cuirtear líon áirithe airgid ar fáil don fhoghlaimeoir agus don chainteoir dúchais le caitheamh ar na gníomhaíochtaí a dhéanann siad le chéile.
Cé atá ábalta páirt a ghlacadh sa scéim?
Tá an scéim oscailte do (i) foghlaimeoirí Gaeilge atá ina gcónaí i gCloich Cheann Fhaola, agus (ii) cainteoirí dúchais as Cloich Cheann Fhaola.
Gaelchara 3 (2022-2023)
Beidh Gaelchara 3 ag tosú i mí Eanáir 2022 agus mairfidh sé 10 seachtaine. Is féidir le foghlaimeoirí agus cainteoirí na Gaeilge cur isteach ar an scéim nó eolas a lorg ag cptccf@gmail.com nó ar 087 2270722.
Gaelchara 3 – Info & Sign up
Gaelchara 3 – Eolas & Clárú
Gaelchara 2 (2020-2022)
Bhí 14 rannpháirtí sa scéim Gaelchara 2. Cuireadh tús leis i mí Dheireadh Fómhair 2020 agus tháinig deireadh leis i mí na Nollag 2021. Caitheann na Gaelchairde 30 uair a’ chloig le chéile thar tréimhse 10 mí. Cuirtear €350 ar fáil don fhoghlaimeoir agus €350 don chainteoir dúchais le linn an ama seo. Seo na Gaelchairde a bhí páirteach in Gaelchara 2:
- Tine Verbeke (foghlaimeoir) agus Anna Ní Bhroin (an Gaelchara).
- Seán Ó Gaoithín (foghlaimeoir) agus Simon Mac Fhionnlaoich (an Gaelchara).
- Mark Peeters (foghlaimeoir) agus Cáit Ní Chuirreáin (an Gaelchara).
- Éilis Nic Donncha (foghlaimeoir) agus Barbara Ní Fhearraigh (an Gaelchara).
- Candy Verney (foghlaimeoir) agus Noelle Ní Smoláin (an Gaelchara).
- Seán Ruth (foghlaimeoir) agus Paddy Mac Aodha (an Gaelchara).
- Rosemary Grain (foghlaimeoir) agus Aoife Nic an Iomaire (an Gaelchara)
